Anang udu bejaku, tilik duluk!

Bisi kaban dalam fb minta ampun tegal suba madah diri b'gedik meda aku sebana belama lenyau indai. Ko ia, baru diatu aku nemu alu ngasai dalam ati, nama kebuah nuan udu endar ngenang penusah nuan * ngau sinu tudah kaban betusi *

Aku diau aja, tuchum pan aku enda ( taja ia nda meda laban dalam talipaun ), aku mina madah, sabar + kuat.

Aku nemu, sekumbang indai aku nadai, aku mayuh besebana mawa dalam facebook laban aku ka nyabak ba mua apai, bala menyadik aku ke bukai, aku enggai ngau enda ulih. Aku baka tuchum di mulut, nyabak dalam ati. Ti nunjuk ke aku nda kering ba sida, kati aku ka ngatur ke pengidup bala menyadi aku deh? Alu majak tusah ga sida. Aku diatu nganti tempat indai aku taja aku biak, nya meh pesan indai aku sebedau ia parai.

Nya meh urang dalam facebook udu bejaku ke aku tegal penusah tuk. Ya ke aku pedis ati, bila bisi urang madah, " Begedi endar meda ia, kapa nda indai ia parai ", ko urang.

Mulai ke crita tadi, nya mih kitai, seagi kitai bedau lenyau urang ke disayau, seagi nya meh kita enda nemu penyinu ati urang ke parai apai indai, bala menyadi, kaban belayan. Anang ancik ati meda apai indai agi bisi, alu ka sumbung ngadu jaku baka tuk. Bedau kena, bedau ngasai, bedau kena anang munyi baka nya. Sama bela parai magang apai indai kitai, anang gaga duluk. Udah tekena, nya baru kita teduduk.